cronica 25 onns Grischa Guggers Falera

Fiasta da giubileum
25 onns Grischa Guggers Falera
ils 11/12 da zercladur 2005
Parcadi a Fandrels, Falera

Cun ina bellezia e bombastica fiasta han ils Grischa Guggers festivau lur giubileum da 25 onns. Il motto da quella fiasta ei staus: 25 onns Grischa Guggers - 25 uras fiasta. La societad da musica haveva organisau la fin d'jamna dils 5/6 da zercladur 2005 la fiasta districtuala da musica Surselva. Per quella occurenza havevan els tschentau si ina tenda per 2000 persunas sil parcadi a Fandrels. Nus Grischa Guggers vein schappau quella caschun ed organisau ella medema tenda nies giubileum. Entginas lavurs ed era entgins cuosts han las duas uniuns saviu parter. Ils Grischa Guggers han gidau da luvrar tier la fiasta districtuala ed ils commembers dalla societad da musica ein segidai tier nossa fiasta. Era segidai ein l'uniun samaritana, il club da heighels e pliras autras persunas. 90 persunas han luvrau e barhau cun preparaziuns, baghegiar, controllar, survir, grillar e schubergiar. Fiasta da tscheiver da mesa stad. Tgisà sche quei marscha!? Duront las preparaziuns vevan nus el comité mintgaton dubis che tut gartegi. Nus vevan fatg nies pusseivel e la sonda da miezgi eran nus semtgai. Naturalmein speravan nus ch'in grond pievel vegni a nossa fiasta. Tec a tec ein lu ils emprems musicants dallas musicas envidadas seradunai. Las empremas producziuns dallas musicas havein nus gia astgau tedlar. Era nos amitgs da Freiburg, ils Waldseematrosen, han anflau la via a Falera. Il suentermiezgi han nos hosps giu dad absolver differents giugs. Cuorer, siglir, sunar, cantar e rir ha lura fatg fom e seit all'entira bargada. Suenter ina buna tscheina han tut las 13 guggas envidadas emballiu e "dau fiug" alla tenda fullanada. La tenda era veramein emplenida tochen en mintga cantun. Tgi vess detg quei ordavon! Rambus e Vagabunds, Fifferlottas e Barlottas, Lieurs e T'schara Tappas, Patlaunas e Latiarnas, Bagordas e Zoclas, Stücklifätzer e Gugga Zwigger. Amitgs dallas musicas da tscheiver han udiu tut las guggas dalla Surselva ed aunc autras. Naturalmein han ils Grischa Guggers buca muncau. Cunquei che nus vevan tontas bunas gidontras e tons buns gidonters, vein nus fatg il punct culminont da mesa notg. La fiasta ei denton nuota stada a fin. Aunc ditg tochen encunter la damaun ei vegniu festivau da cumpignia. Cun il til marvegl ei lu la gronda raspada seradunada encunter casa. Mo entgins - ils pli trenai - han nezegiau la pusseivladad d'ina notg libra. Gie, quei ei veramein stau ina notg libra endretga. Buc tochen las duas, buc tochen las quater ed era buc tochen las sis ha nossa fiasta cuzzau. Na, 24 uras cuozzan tochen miezgi. Ed aschia vein nus ensiult e festivau vinavon tochen miezgi. Cun in concert communabel dils restai ei quella speciala e bellezia fiasta ida a fin. In grond engraziel fetg a tut nos hosps e gidonters, ed era als Grischa Guggers ed a mes collegas el comité d'organisaziun: Gina, Hugo, Mario ed Adrian.

Fenadur 2007
Mattiu Cathomen

weiter>>